Pas urdhrit të SPAK për të kontrolluar shtëpinë e ish-kryeprokurorit Adriatik Llalla, policia e Tiranës zbarkoi në banesën e tij me synimin për t’i vënë prangat.
Pas kontrollit të policisë në shtëpi, i cili mësohet se ka zgjatur 20 minuta, mësohet se Llalla nuk është gjetur.
Avokati i ish-kryeprokurorit, Sokol Hazizaj tha para mediave se ai është i sëmurë dhe ndodhet i shtruar në një spital, por nuk dihet nëse brenda apo jashtë Shqipërisë.
Gjykata e Posaçme e Apelit e shpalli Llallajn fajtor për fshehje të pasurisë për tre raste dhe e dënoi atë me dy vite burgim.
Ky vendim që la në fuqi një të mëparshëm është i pari ndaj një prej ish zyrtarëve më të lartë të prokurorisë së përgjithshme, i hetuar nga SPAK. /sarandacity.al/
