Nëse shëtitorja e re ofron gjerësi, hapësirë lëvizjeje në këto netë mase njerëzore pushuesish “mizë lisi”, nga Turizmi e tej, deri afër Bukenvileve, trotuaret e ngushta janë një torturë, sidomos kur je me karrocë fëmijësh, pasi nëse nuk zbret nga trotuari, që do të thotë se duhet të dalësh në rrugë makine, nuk ke asnjë gjasë të kalosh.
Trotuaret e ngushta në atë segment janë një një tjetër dëshmi e tuhafllëkut që ka karakterizuar administratat bashkiake ndër vite, por sidomos ato që më së shumti ka hedhur forma e vënë vula për ndërtime në atë segment, pa e llogaritur, ose duke injoruar tërësisht faktin se një ditë aty do kishte lëvizshmëri të madhe njerëzore.
Kjo mund të nuhatej fare lehtë nga lejet e dhëna. Nëse lejon kaq ndërtime, si do i përgjigjesh me infrastrukturë?
Ngjashëm dhe me parkimet. /sarandacity.al/
