U ndje i poshtëruar, Dule shpall Ramën si anti-minoritar

Përfaqësuesi ende më i lartë politik i Minoritetit, Vangjel Dule, kreu i PBDNJ-së së ç’faktorizuar vitet e fundit, është ndjerë kaq që Rama nuk ka qenë prezent në sallë për një interpelancë kërkuar prej tij.

Tema do ishte pikërisht Minoriteti dhe të drejtat e tij, por i pari i qeverisë, sipas rregullores, ia ka deleguar çështjen Spiropalit.

“Depozitova kërkesën për interpelancë më kryeministrin në lidhje me politikat e qeverisë dhe respektimit e minoriteteve.

Pse e kërkova me kryeministrin, jo se nuk kam respekt, për ministren Spiropali, por për cilido.

Jam njoftuar sot në mëngjes se kryeministri nuk paska denjuar që të diskutojë me këtë çështje dhe e ka deleguar. Është mënyrë cinike, e ka të plotë mundësinë që ta bëj por jo dëshirën. Më datën 9 nëntor e depozitova kërkesën.

Qëndrimi i sotëm i kryeministrit Rama dëshmon se për të respektimi i të drejtave të minoriteteve dhe i lirive të tyre nuk egziston në axhendën e prioriteteve të tij. Por për fatin tonë të mirë egziston për BE-në.

Ky debat nuk mund të bëhet i fragmentarizuar, me keqardhje nuk e pronoj interpelancën me Spiropalin. Vendoseni vet zonja kryetare, se kur do të zhvillohet. Është qëndrim abuzim”, tha Dule, duke u ndjerë i poshtërruar nga Rama.

Ndërsa Spiropali iu përgjigj: “Ishte pikërisht në respekt të kërkesës suaj për të dëgjuar se çfarë kanë bërë qeveritë shqiptare për mbrojtjen e pakicave kombëtare, ne vendosëm të mbajmë sot këtë interpelancë dhe ju vendosët mos ta zhvilloni. Kohën tuaj e shfrytëzuat dhe thatë disa të pavërteta.

Ky vend është një shembull për rajonin për sa i përket respektimit të pakicave kombëtare dhe plotësimit të kuadrit ligjor. Ju garantohen liritë ekonomike e kulturor, por dhe liri të tjera që fatkeqësisht shqiptarëve në shumë vende të botës i mohohen”. /sarandacity.al/