Vendi me frikën se do të jetë objektivi i ardhshëm i Putinit

A mund të bëhet Moldavia objektivi i ardhshëm i Vladimir Putin?

Liderët në këtë vend, sipas BBC, kanë frikë se mund të bëhen objektivi i radhës i Kremlinit.

Sekretari amerikan i Shtetit Antony Blinken u takua me dy gra që drejtojnë këtë vend: kryeministren Natalia Gavrilita dhe presidenten Maia Sandu. Blinken është vetëm Sekretari i tretë i Shtetit i SHBA-së që viziton Moldavinë.

Më pas, media dëgjoi fjalët e sekretarit Blinken për unitetin, por moldavët duan garanci të forta për sigurinë e tyre. Javën e kaluar, disa ditë pas pushtimit rus, ata aplikuan për anëtarësim në BE.

Deri më tani, nuk ka asnjë provë konkrete për të mbështetur frikën e Moldavisë. Ato bazohen në histori dekadash: 128 km (80 milje) në lindje të kryeqytetit, në kufirin me Ukrainën, shtrihet Transnistria, një rajon i mbështetur nga Rusia që u shkëput nga Moldavia në vitin 1990. Moska ka ende një bazë ushtarake atje ku rreth 15,000 ushtarët.

Frika u shtua kur lideri bjellorus pro-Putin, Lukashenko mbajti një fjalim përpara një harte beteje që theksonte Moldavinë.

Sekretari Blinken u pyet se çfarë garancish i kishte dhënë Moldavisë:

“Ju e keni parë reagimin global që kemi mobilizuar kundër agresionit të Rusisë, kurdo dhe kudo që të ndodhë ai agresion, ne do të bëjmë të njëjtën gjë”, u përgjigj ai.

Ai tha gjithashtu se do të kërkonte fonde për të ndihmuar Moldavinë të kujdeset për refugjatët ukrainas që ka marrë. Vendi po lufton me këtë. Moldavia është një nga vendet më të varfra dhe më të vogla në Evropë. /sarandacity.al/