Ndër vendimet e para të qeverisë së re “Rama” këtë të shtynë, marrë në mbledhjen e parë fill pas betimit, është dhe ai mbi krijimin e një Agjencia për Mediat dhe Informimin.
Sipas të parit të qeverisë, kjo agjenci është një model i suksesshëm në disa vende, duke përmendur Italinë dhe Gjermaninë, ndërsa theksoi se do të garantojë transparencë në lidhje me politikat, projektet apo problematikat që kanë të bëjnë me aktet e Këshillit të Ministrave e institucioneve përbërëse.
“Agjencia siguron njohjen e institucioneve të qeverisjes qendrore me gjithçka lidhet drejtpërdrejtë me publikun dhe qëndrimin e publikut e medias mbi çështje me interes publik. Një mekanizëm i qëndrueshëm e gjithëpërfshirës i komunikimit me publikun e mediat, në funksion të përgatitjes së qëndrimeve përmes anketimeve të opinionit publik mbi çështje të rëndësisë së veçantë, analizimit të tyre dhe konsultimeve me publikun në funksion të vendimmarrjeve të qeverisë”, ishte ajo çfarë shpjegoi Rama. /sarandacity.al/
