Një prej emrave më të traditës në PD-në e Sarandës, një prej themeluesve të saj,
Muharrem Haxhi, ka bërë thirrje për t’ju bashkuar “Foltores” së Berishës të premten.
Njëherësh, kreu i parë i FRPD-së në Sarandë, pikërisht në 92-in, këshillon kritikueshëm deputeten Zhupa që të mos përdorë batutat e kundërshtarëve politikë në komunikim me bashkëpartiakë të saj.
Haxhi i është referuar për këtë thënies “Suksese në jetë…” që Zhupa ia ka drejtuar anëtarit të Kryesisë së PD-së lokale, Spiro Vaso, gjatë një debati të brendshëm lidhur me “Foltoren” e Sarandës, në papajtueshmëri qëndrimesh me njëri-tjetrin. /sarandacity.al/
