Vetëvarje e një shqiptari në Greqi: ja thyu zemrën partnerja greke

Ka rezultuar një fund tragjik ai i një shqiptari 32-vjeçar në Greqi. I zhdukur ditë më parë, ai është gjetur i pajetë, i vetëflijuar duke u varur në një pemë, ku si shkak mendohet të ketë qenë “zemra e thyer” nga një vajzë vendase.

Ngjarja ka ndodhur në Markopoulo të Ilisë.

I riu nga Shqipëria ka kërcënuar se do të bënte vetëvrasje pasi ish-partnerja nuk donte që të kthehej më me të, raportojnë mediat helene.

Shqiptari kishte munguar prej kohësh në vendin ku jetonte e kur ka shkuar ka kërkuar rilidhjen me partneren, por se ajo ka refuzuar.

Ai është kthyer në shtëpi e ka shfaqur tendenca për të kryer vetëvrasje. Vajza ka thënë në polici se ka marrë mesazhe nga i riu shqiptar se do të kryente vetëvrasje.

Dhe, vërtetë kështu kishte ndodhur. Pasditen e së djeshmes, ai u gjet i vetëvarur. /sarandacity.al/