Vrasja e qenve endacakë në Tiranë: kujt i këputet shpirti dhe reagon në Sarandë

Protesta me moton “Stop rrëmbimit dhe vrasjes së qenve” pas zhdukjes së kafshëve endacake në Tiranë, ka zgjuar revoltën tek qytetarët që kanë reaguar e kanë dalë për mbrojtjen e të drejtave të qenieve që nuk mund të mbrojnë veten.

Protestuesit kërkuan mbylljen e Spitalit të Kafshëve në Kombinat, duke akuzuar drejtuesen e institucioneve se po dhunon kafshët dhe se brenda godinës i vrasin me acid, ndërkohë që nuk kanë munguar përplasjet edhe me punonjësit e Policisë.

Gjithçka nisi pasi një video të publikuar nga “Animal Rescue Albania”, e cila është bërë virale ditën e djeshme.

Po në Sarandë kush reagon për këto çështje?

“Shatërvan Idesh” është një faqe në facebook e krijuar nga më shumë se 15 anëtarë të cilët vijnë nga shtete të ndryshme dhe disa prej tyre jetojnë në qytetin e Sarandës.

Vitin e kaluar, ky grup bamirës në Sarandë morri përsipër sterilizimin e qenve të rrugës nga dhjetori deri në shkurt.

Në Sarandë ka një numër të madh të qenve dhe maceve të rrugës.

Numri i tyre rritet edhe më shumë pasi dita ditës lindin këlyshë dhe kotele të tjera. Projektigji kundra keqtrajtimit të kafshëve ndalon vrasjen e kafshëve të rrugës dhe kush e bën diçka të tillë mund të dënohet deri në dy vjet burg.

 

Pra, duhet gjetur një mënyrë tjetër për të kontrolluar shtimin e numrit të tyre pa përdorur veprime mizore si helmimi apo vrasja.

Në shumicën e vendeve Evropiane ekziston një mënyrë shumë e suksesshme. Quhet TNR, (Trap. Neuter. Return) Kap. Neutralizo. Lësho.

TNR nënkupton se qentë dërgohen te veterineri, sterilizohen, shërohen dhe pas periudhës së shërimit kthehet aty ku është marrë për të jetuar normalisht por pa pasur më mundësinë të riprodhohet. Si përfundim, ky program do të ulë numrin e qenve të rrugës në një nivel më të menaxhueshëm.

Kjo inisiativë e këtij grupi ka sterilizuar shumë qen dhe mace të rrugëve dhe madje shumë prej këtyre kafshëve është strehuar në shtëpi prej tyre dhe iu është gjetur një strehë.

Pas protestës së tre ditëve më pare, “Shatërvan Idesh” ka bërë thirrje në faqen e saj që të huaj dhe shqiptarë të firmosin peticionin kundër qeverisë shqiptare për vrasjen e këtyre qenve në Tiranë. /sarandacity.al/