Ditët e ankthit nisën këtë të hënë në Ksamil, pasi ndërsa shumë pronarë ndërtimesh presin të marrin frytet e sezonit të saponisur, ja beh qeveria me operacionin e saj të paralajmëruar – “Bregdeti Ynë”, një tip “Bojaxhiu” i PD-së në verën e vitit 2010, ndonëse jo në të tilla përmasa.
Ky operacionin do të përfshijë prishjen e objekteve pa leje në zonën bregdetare të vendit.
Objektet variojnë nga 1 deri në 5 kate, me struktura beton-arme dhe të lehtësuara.
Në zonën e Ksamilit janë planifikuar të prishen rreth 30, pra duke nisur që kjo e hënë. Në nisje të operacionit nuk ka patur incidente apo përplasje me forcat e policisë. /sarandacity.al/
