Zjarret, Kontrolli i Shtetit zbarkon te Emergjencat Civile

Nis tashmë zyrtarisht kontrolli i KLSH në të gjitha institucionet që janë pjesë e procesit të emergjencave.

Audituesit kanë nisur mbledhjen e dokumentacioneve në Drejtorinë e Përgjithshme të Emergjencave Civile si dhe hallka të tjera të Ministrisë së Brendshme që lidhet me emergjencat civile ,në ministrinë e mbrojtjes si dhe ato të pushtetit vendor.

Sipas burimeve, me urdhër të kryetarit të KLSH-së Arben Shehu, do të auditohen të gjitha tenderimet e viteve të fundit për blerjen e paisjeve të emergjencave.

Ky kontroll nisi pas zjarreve të fundit ku pati akuza të shumta se punonjësve ju mungonin pajimet bazë.

Nisja e këtij kontrolli pati një bllokim nga ana e strukturës së emergjencave qendrore civile, pasi drejtori Haki Çako ishte me pushime, gjë që solli dhe një reagim nga kreu i KLSH-së, i cili i bëri thirrje për rikthim në punë. /sarandacity.al/