Për zjarret në Gjirokastër, ku si pasojë e tyre pati dhe një jetëhumbje, e vetmja deri më tani në shkallë vendi, autoritetet janë të bindura se shkaku i tyre është njerëzor.
Ato nuk vënë gishtin konkretisht te ndonjë autor konkret, por kërkojnë hetime.
Prefekti i Gjirokastrës Odise Kote tha: “I kam kërkuar organeve ligjzbatuese të hetojnë duke filluar nga piromanët e deri te ata që se kanë kryer si duhet detyrën e tyre”.
Autoritetet flasin për dëme të mëdha. Vlerësohet që të paktën 850 hektarë në pyje dhe kullota në zonë të jenë dëmtuar nga flakët, ndërsa toka e djegur ka prekur gati 50% të të gjithë sipërfaqes së Njësive Administrative të Lunxherisë dhe Antigonesë. /sarandacity.al/
