Veç barinjve të papërgjegjshëm, ose personave keqdashës, zjarret mund të vihen dhe nga njerëz me probleme mendore, jo domosdoshmërisht piromanë.
Së paku kështu ndodhi në Ksamil afro tre javë më parë, ku personi i arrestuar për një zjarr në kodrën në hyrje të qytezës, rezultoi me probleme mendore.
Kështu ka rezultuar dhe në Greqi, në Rodos.
Aty, një shtetase 57-vjeçare bullgare e cili jeton në këtë ishull, u arrestua pasi akuzohet për zjarrvënie të qëllimshme. Një çështje është ngritur kundër saj nga Departamenti i Zjarrfikësve në Rodos.
Gruaja, e cila thuhet se ka probleme serioze psikologjike, mendohet të jetë personi që shkaktoi tre zjarre në vende të ndryshme në periferi të Rodosit më 14 gusht.
Ndaj, me urdhër të prokurorit u vendos transferimi i 57-vjeçares në klinikën psikiatrike të spitalit të Rodosit. /sarandacity.al/
