Jo Basha personalisht por PD zyrtare, ka reaguar ashpër ndaj paralajmërimit më të fundit nga PD e Berishës (Komisioni i Rithemelimit), që më datë 5 të lërë me patjetër zyrën.
Në një reagim zyrtar, PD thotë se ato nuk do të jenë kurrë të hapur për trafikantët e drogës që shoqërojnë Sali Berishën.
“Partia Demokratike nuk do të jetë kurrë e hapur për trafikantët e drogës që shoqërojnë Sali Berishën në sulmin që po përgatit kundër Partisë Demokratike për të vendosur hallin e tij mbi të ardhmen e gjithë demokratëve. Çdokush e ka të qartë se gjuha dhe aktet e tij kanë qëllim të nxisin dhunë, si opsionin e vetëm që i ka mbetur”.
Më tej, vijon deklarata me fjalët se “Sali Berisha mund të shoqërohet me trafikant droge të shpallur non-grata në Mbretërinë e Bashkuar, pjesë e organizatës kriminale B9. Mund t’i ftojë në shtëpi, familjarët e tij mund të bëjnë edhe biznes me pasuri të paluajtshme me ta në një skemë të pastër pastrimi parash, si dhe mund të ndajnë edhe fitimet nga bizneset me lojrat e fatit, por kurrë nuk kanë për t’u lejuar më të bëjnë biznes me sakrificën e demokratëve. Kurrë më!’. /sarandacity.al/
