Tjetër arrestim për “dhunë në familje” është kryer në Sarandë nga Policia lokale.
Fjala është për një 45-vjecar që thuhet se ka ushtruar dhunë, por ama psikologjike, ndaj nënës së tij.
“Nga specialistët për Hetimin e Krimeve në Komisariatin e Policisë Sarandë u arrestua në flagrancë për veprën penale ‘Dhuna në familje’, shtetasi N. M., 45 vjeç, banues në Sarandë, pasi ka ushtruar dhunë psikologjike ndaj nënës së tij”, thuhet në raportin zyrtar policor.
Kujtojmë se ndërkohë, në Komisariat po mbahet nën arrest një 25-vjeçare nën akuzën e dhunës ndaj nënës së saj. Por e akuzuar Renilda Hajdini nga Gjashta është vetë me shenja dhune, pasi bëhet fjalë për një përplasje fizike të dyanshme.
Nga familja thuhet se e ëma e 25-vjeçares është ajo që ka ushtruar dhunë e para, pasi prej kohësh vuan nga probleme mendore, për të cilat është trajtuar dhe në spitalin psikiatrik të Vlorës.
Por juridikisht ajo avantazhohet nga fakti se ka bërë denoncim ndaj së bijës, ndërsa kjo e fundit jo. /sarandacity.al/
