CEO të dy kompanive të produksione hollivudiane, anëtarë të një familjeje me mbiemër presidencial në SHBA, si dhe presidenti arab i një klubi të njohur europian, fluturuan me helikopter mbi kanionet e Nivicës, duke vijuar rrugën ajrore deri në Përmet, për t’u ndaluar më pas aty e vizituar disa nga resurset e zonës, si Leusën, kishën e atyshme, si dhe burimet e Bënjës.
Ata e nisën fluturimin e tyre nga jahti “Planet 9”, i stacionuar në Porto Palermo, bregdetin e Himarës. Me parë vizituan Sazanin dhe pothuajse vijën e magjishme bregdetare të Jonit.
Se kush ishin ata pritet të mësohet më vonë, pasi rregulla protokollare nuk e lejojnë publikimin e emrave të tyre.
E rëndësishme është që individë të një pjace kaq të lartë rëndësie e fame zgjedhin të vizitojnë copëza të Shqipërisë.
Impresionet që kanë marrë, sipas njeriut që i ka shoqëruar, kanë qenë tejet pozitive. /sarandacity.al/
