Berti Zenuni është një ndër ata mjeshtra, hem të defit e hem të klarinetës, ku veçanërisht me të parën ofron dhe performanca xhongluese.
Duke i bërë një rezyme karrierës së tij artistike, ai thotë se fillesat muzikore i ka patur që në moshën 6-vjeçare, ku si mësues të parë veçon Vladimir Hakarepin, firzamoniçist dhe njeriu i shkëlqyer.
Ndërsa si klarinetist të parë në karrierën e tij, që në 8-vjeçare, vlerëson Shkëlqim Prodën nga Vllahati.
Vite më vonë do i bashkohej orkestrës së klarinetistit tashmë të ndjerë prej pak ditësh, mjeshtrit Qamil Musta, Usta Cikes pra.
Kjo ndodhi në moshën 21-vjeçare.
Ndërsa në vitin 1988, duke bashkëpunuar me mjeshtrin e krijuesin e sazeve të Delvinës, Myrteza Leka, merr pjesë dhe në Festivalin e Gjirokastrës, ku vlerësohet me çmimin Laureat i Festivalit.
Muaj më vonë, me asamblin “Butrintit”, do jepte koncerte në disa qytete të Greqisë.
Ai përmend dhe një tjetër mjeshtër që ka lënë gjurmë në krijimtarinë e tij, atë të ritmit, Tomorr Çuni. /sarandacity.al/
https://youtu.be/EeNOFIaSn6I
