Përballja në zgjedhjet e së dielës do jetë e 18-ta mes PS dhe PD, dy partive kryesore shqiptare.
Dhe si në çdo pragndeshje mes bigësh në futboll, ku ofrohet një bilanc, kjo mund të vlejë dhe për këto dy forca për të parë se si vijnë në duelin e radhës.
Mes përballjeve mes tyre ka patur zgjedhje parlamentare dhe lokale, si dhe një referendum.
Përballja e parë është në mars 1992, ku PS pati zgjedhjet e para me emrin e ri Partia Socialiste. Humbi, duke bërë që PD të ngjitej për herë të parë në pushtet.
Më pas vijnë dy fitore të PS-së, Lokalet tre muaj më vonë, dhe referendumi për Kushtetutën pas dy vitesh.
Mbërrijnë parlamentaret e vitit ’96. Edhe pse zgjedhjet më të debatueshme për shkak të abuzimeve të shumta, PS kurrë s’ka pretenduar fitoren në to. PD fiton, por abuzon duke thelluar rezultatin në favor të saj.
Lokalet pak muaj më vonë, në tetor 96, fiton PD pa asnjë kontestim.
Vjen 97-ta. Zgjedhje të parakohshme në qershor të atij viti, fiton PS. PD nuk i konteston por u vë xanxën si “parlament i Kallashit”.
Lokalet e vitit 2000. Fiton PS dhe që këtu nis rrugëtimi i Ramës si politikan, pasi merr Bashkinë e Tiranës, e cila mbahej prej dy mandatesh nga PD.
Parlamentaret e vitit 2001, fiton PS.
Lokalet e vitit 2003, fiton PS.
Parlamentaret e vitit 2005, fiton PD.
Lokalet e vitit 2007, fiton PS.
Parlamentaret e vitit 2009, fiton ngushtësisht PD, e vetëm LSI i mundëson dhe një mandat tjetër 4-vjeçar.
Lokalet e vitit 2011, fiton PS, por Rama humb Tiranën me një proces të debatueshëm numërimi, si ndryshim rezultati në tavolinë.
Parlamentaret e vitit 2013, fiton PS.
Lokalet e vitit 2015, fiton PS.
Parlamentaret e vitit 2017, fiton PS.
Lokalet e vitit 2019, PS fiton pa garë për shkak të bojkotit të opozitës, por me gjasë do fitonte sërish sipas një trendi të qartë elektoral në avantazh.
E tani jemi në të 18-ën përballje, ku pra PS ka 12 fitore, karshi 5 të PD-së. /sarandacity.al/
