Copëz “Lazarati” në Livadhja: kush janë babë e bir nga Lagja 1 të arrestuar

Vinin nga Golëmi i Gjirokastrës, jetonin në Sarandë dhe “punonin” fshatrave të minoritetit për të mbjellë kanabis.

Këtë bënin babë e bir,  Xhelal Isufi 75 vjeç dhe Lifer Isufi 28 vjeç, banorë të lagjes nr.1  në Sarandë.

Ata u kapën për punën e ndaluar ligjërisht, të cilën e ushtronin në Leshnicë.

Njoftimi zyrtar thotë:

“Shërbimet e Komisariatit të Policisë Sarandë dhe të Stacionit së Policisë Livadhja, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, në bazë të informacioneve të siguruara në rrugë operative, si rezultat i kontrollit të territorit kanë evidentuar dhe goditur një rast të tentativës për kultivim të kanabisit në fshatin Leshnicë, Finiq.   

Në vijim të veprimeve, nga specialistët për Hetimin e Krimeve në Stacionin e Policisë Livadhja u bë ndalimi i shtetasve me inicialet

Xh. I., 75 vjeç dhe L. I., 28 vjeç (babë e bir), banues në Sarandë, pasi dyshohen se kanë kultivuar fidanë të dyshuar cannabis sativa në një zonë të pyllëzuar, në pronë publike, në fshatin Leshnicë”. /sarandacity.al/