Fundi i një rrjeti droge në Greqi me kapo shqiptar: si ndaheshin detyrat

Prokuroria e Atikës arriti të bëjë një goditje të rëndësishme në qarqet e drogës, me çmontimin e një organizate të madhe kriminale për trafikimin e heroinës dhe metadonit, në zonën më të gjerë të Pellgut të Atikës dhe në prefekturën e Chania-s në Kretës.

Të paktën 48 persona janë të përfshirë në këtë organizatë, nga të cilët gjashtë drejtuesit kryesorë u arrestuan së bashku me udhëheqësin, ndërsa u konfiskuan më shumë se 16 kilogramë metadon të lëngshëm, heroinë dhe prova të tjera. Në veçanti, pas një operacioni të organizuar policor në Athinë, Kallithea dhe Chania, gjashtë anëtarë të organizatës u arrestuan, përkatësisht tre shqiptarë, dy burra dhe një grua, të moshës 38, 69 dhe 23 vjeç dhe tre grekë, dy burra dhe një grua, të moshës 47, 51 dhe 33 vjeç.

Gjithashtu të bashkë-akuzuar në të njëjtin rast janë 42 persona të lidhur me aktivitetet e organizatës kriminale. Sipas policisë, hetimi i Prokurorisë zbuloi se drejtuesi i organizatës është 38-vjeçari shqiptar.

Bashkëpunëtore e drejtpërdrejtë e 38-vjeçarit dhe “arkëtare” e organizatës ishte 33-vjeçarja greke, e cila paratë nga tregtia e drogës i depozitonte në një llogari bankare në emrin e saj. Shqiptari 69-vjeçar ishte përgjegjës për ruajtjen  e drogës, ndërkohë që 23-vjeçari shqiptar ishte përgjegjës për transportin e drogës nga Athina në Kretë, ndërsa dy grekët e arrestuar, 47 dhe 51 vjeç, ishin përgjegjës për magazinimin dhe trafikimin e drogës në Chania. Deri më tani, janë identifikuar më shumë se 250 raste të trafikut të drogës nga anëtarët e organizatës. /sarandacity.al/