Ish-deputeti i Sarandës, i zëvëndësuar më pas nga Kokëdhima, ish-ministri Arben Malaj, synon të jetë sërish ministër, duke vendosur dhe vitin se kur, në 2031.
Duke ndarë me publikun faktin se mbushi 60 vjeç, njeriu me të cilin nuk identifikohet ndonjë reformë e thellë apo ndonjë risi në ekonominë shqiptare, ka renditur fillimisht vitet e karrierrës dhe rolet përkatëse.
“37 vite si ekonomist, 16 vite deputet, rreth 6 vite minister, 28 vite mesimdhenie”, shkruan ai.
Dhe më pas shpall objektivat për të ardhmen:
“Ne kete 60 vjetor tre jane objektivat e mia per te vazhduar per ti sherbyer vendit tim :
1, Te le trashgim ne Vlore nje akademi lidershipi per te rrinjte.
- Te kontribuoj me perpjekje maksimale qe VLORA dhe Shqiperi te behen qender rajonale per IT dhe ekonomine e dijes.
- Te jem i pari minister i ekonomise se dijes ne vendin tim. Eshte hera e pare qe “kerkoj” nje post ministror sepse shpresoj ajo ministri do te bej ndryshimin e madh struktuore te ekonomise tone nga sektoret tradicional ne ekonomine e dijes., kete mundesi e pres pas vitin 2031”, shkruan ish-figura socialiste e Vlorës pas viteve 2000. /sarandacity.al/
