Deputeti në pritje i Fierit, njëherësh një ndër figurat e njohura të PS-së së modelit Nano, Petro Koçi, mbrojti sërish qëndrimin e tij në lidhje me akuzat se krimi ishte në avancë në Fier në pjesën e interesave financiare të fondeve publike.
Ai ishte në SPAK për të dhënë shpjegime dhe, pasi doli prej aty, sqaroi dhe njëherë qëndrimin e tij.
“Unë jam politikan edhe e ndjej që bota e krimit në Fier është goxha influente. Ky sensibilizim edhe për SPAK është shumë i nevojshme. Ka pasur lidhje të konsoliduara me politikën.
Qëndrimet e mia nuk janë për të larë hesapet me asnjë politikan por me botën e krimit. Nuk duhet të lejojmë që të kenë mundësi vendimmarrje në jetën publike. Ata dikojnë, ose duke kërcënuar zyrtarë të niveleve të ndryshme. Shumica zyrtare në Fier nuk e kanë mirëpritur deklaratën time që do të thotë se u dhemb.
Do jem politikan që jeta publike të jetë më e pastër.
Nëse i referoheni historisë sime personale, kam bërë kallëzime dhe pjesë e administratës së PS.
Unë e kam sqaruar që në radhë të parë deklarata ime me këtë ka lidhje me punën pozitive që po bën SPAK”, arsyetoi Petro Koçi. /sarandacity.al/
