Komiteti Teknik COVID u mblodh pas konfirmimit të prezencës së variantit Delta në Shqipëri, duke deklaruar dhe rrethet ku është shfaqur.
Saranda, me dyndje turistike këto kohë, nuk figuron për fat. 
Albana Fico nga Komiteti tha se “siç ishte paralajmëruar nga dyshimet, erdhi përgjigjja për variantin Delta. Situata në vend ka shënuar rritje në raport me incidencën, mes ditore është rritur, numri total i rasteve është i lartë.Vijon të shtohet numri i të vaksinuarve me dy doza.
Për Deltën, në këto mostra i kemi gjetur në Tiranë, Lezhë, Shkodër, Peqin, Vlorë, Mati në numra të vegjël gjithësesi. E gjithë kjo ka një vlerë të veçantë për atë çfarë kemi thënë vaksinim dhe respektim i masave”.
Ajo këshilloi vaksinimin si rrugë për të mos u prekur edhe nga Delta.
“Ju kujtoj se nëse keni bërë dozën e parë bëjeni dhe të dytën. Mos harroni: dy doza janë mbrojtje, kanë shanse minimale të preken”, shtoi dr. Fico. /sarandacity.al/
