Teksa Delta po shfaqet dhe Shqipëri, ndër pikëpyetjet e para është ajo se si do jetë procesi mësimor këtë sezon, pra do kalohet sërish në online?
Zv.ministrja Rakacolli e përjashtoi për momentin si mundësi.
“Të gjitha vendimet ne i marrim me situata konkrete epidemiologjike, nëse do vijojmë me të njëjtën situatë, nuk ka asnjë arsye që shkollat mos fillojnë normalisht sikurse do të fillojë, aq më tepër që arsimtarët janë vaksinuar, shumica e fëmijëve kanë personat me të cilët jetojnë të vaksinuar.
Por do të shikojmë se si do të jetë situata epidemiologjie dhe në varësi të saj do të jetë vendimi për shkollat”, u shpreh Rakacolli nga Komiteti Teknik.
Por ndërkohë, a do kemi dhe vaksinim të detyrueshëm, sidomos te të rinjtë?
“Të rinjtë e kanë kulturën e vaksinimit dhe jam e bindur që nuk do shtrohet për të rinjtë vaksinimi i detyruar. Jam e bindur se do e bëjnë sepse duhet ta bëjmë”, tha Rakacolli. /sarandacity.al/
