Lapaj, hera e parë përballë Ramës: përgjigja që morri për protestat

Një përballje pati të premten mbrëma në “Zonë e Lirë” mes kryeministrit Rama, i ftuar të sqarojë mbi krizën e pritshme energjitike, dhe aktivistit civil sarandiot Adriatik Lapaj.

Ky i fundit ndodhej për herë të parë para njeriut që e konteston atë apo qeverisjen e tij rregullisht vitet e fundit, deri dhe me protesta.

E tillë që dhe ajo e para pak ditëve para Kryeministrisë, për të cilën Rama i tha:

“Unë nuk e llogaris protestën tuaj. Ju flini gjumë më shumë se unë. Arsyeja është se unë jam këtu për të mbrojtur ata që kanë nevojë për mua, sepse për këtë më kanë vënë”.

Fillimi i përballjes pati një problem komunikativ, pasi Lapaj hezitonte t’i drejtohej të parit të qeverisë, jo vetëm me fjalë por dhe me shikim, duke parë vetëm nga Çani. Por ky i fundit tha se gjersa kishte ardhur aty për t’u ballafaquar aty me kryeministrin, duhej të shikonte nga ai e të komunikonte me të.

Lapaj parashtroi kritikat e tij, në formë denoncimesh, duke marrë përgjigje për çdo rast nga kryeqeveritari i Shqipërisë, që jo domosdoshmërisht prekte pikën e pranimit të argumentit.

Më kryesorja, Rama garantoi se nuk do ketë rritje të çmimit të energjisë. /sarandacity.al/