Kryebashkiakja e Delvinës. Znj. Majlinda Qilimi, i dedikoi ca rreshta homazheve me rastin e 9 Tetorit, ku veç ceremonive klasike, veçoi dhe uniteti politik.
Homazheve ku bashkangjitën dhe përfaqëses të opozitës lokale, më konkretisht, kryedemokrati Hari Imeri
Sipas saj, është fjala për një ndër datat e krenarisë atdhetare të zonës.
9-Tetori është një ndër datat më të rëndësishme në kalendarin e festave të Delvinës.
Është dita që na bën të ndihemi krenarë për paraardhesit tanë që shkruan histori, të shtyrë nga ndjenja e patriotizmit dhe atdhedashurisë.
Ndaj dita e sotme nisi me vizitën në altarin e lirisë, në Varrezat e Dëshmorëve, atje ku prehen bijtë dhe bijat e Delvinës që me guxim, heroizëm e vetëmohim iu bashkangjitën radhëve të luftëtarëve të lirisë.
Në nder të kesaj dite, ku krahas pasardhësve të veteraneve, na nderuan me pjesëmarrjen e tyre deputetja e zones, Znj. Anila Denaj dhe prefekti i qarkut Z.Flamur Mamaj, pata nderin dhe kënaqësinë të vlerësoj me certifikata mirënjohjeje (pas vdekjes) disa prej figurave të ndritura që kanë spikatur ne Luftën Antifashiste Nacionalçlirimtare
Gëzuar Ditën e Çlirimit të Delvinës!
I përjetshëm kujtimi i të rënëve për liri!”, shkruan qytetarja nr. 1 e Delvinës. /sarandacity.al/
