Padia ndaj Soreca-s në SPAK: si e ka përkthyer Brukseli aktin e pazakontë

Pas padisë që Aleanca për Mbrojtjen e Teatrit bëri në SPAK ndaj ambasadorit të BE në Tiranë, Luigi Soreca, ka ardhur një reagim nga Brukseli.

Zëdhënësi i KE i cilëson të pabaza akuzat e ngritura ndaj ambasadorit Soreca, duke e konsideruar këtë akt, pra padinë, si një fushatë të drejtuar kundër delegacionit të BE në Shqipëri.

“Duket se ka një fushatë të drejtuar kundër delegacionit të BE në Shqipëri, dhe më duhet të them se akuzat janë të pabazuara dhe dezinformuese. Liderët e BE kanë besim tek ambasadori Soreca dhe punën që ai po bën në Shqipëri. Soreca po bën punë të mirë në interes të BE, por edhe në interes të shqiptarëve, punë të mirë edhe në interes të marrëdhënieve Shqipëri-BE”, thuhet në pjesën e parë të deklaratës.

Më pas, jepet e kuptar se në Bruksel e kanë të qartë se ç’farë fshihet pas kësaj padie.

Ne vazhdojmë të mbështesim fort Reformën në Drejtësi në Shqipëri. I bëjmë thirrje aktorëve shtetërorë dhe joshtetërorë në Shqipëri të vijojnë zbatimin e reformës në përpjekjet e mëdha të Shqipërisë për të ndjekur reformën në drejtësi dhe Vettingun në gjyqësor, që po japin rezultatet e para të prekshme dhe nuk mund të ngadalësohen”, deklaron zëdhënësi i KE. /sarandacity.al/