Qytetari i parë i Sarandës, kryebashkiaku Adrian Gurma shtroi një iftar për besimtarët muslimanë, rezervuar për të nesërmen e Natës së Kadrit.
Në faqen e Bashkisë thuhet se “sipas një tradite tashmë të njohur, kryebashkiaku Adrian Gurma, ka shtruar sonte iftar për dhjetëra besimtarë muslimanë të xhamisë së Sarandës.
Në emër të besimtarëve, Myftiu Bledar Mulla ka falenderuar kreun e Bashkisë për vëmemdjen dhe për bashkëpinimin me komunitetin musliman.
Kryetari Gurma shprehu kënaqësinë që gjendet mes besimtarëve të këtij komuniteti, që reflekton mirësi dhe i kontribuon bashkëjetesës harmonike mes komuniteteve në Sarandë.
Ai ka uruar që zoti t’u pranojë sakrificën edhe për ditët në vazhdim të Muajit të madhërishëm të Ramazanit”.
Kujtojmë se Bashkia e Xhamia janë dy fqinj në Sarandë, të ndodhura përballë njëra-tjetrës. /sarandacity.al/
