Arkiva Shqiptare kujton 17 majin e “plumbave mbi Perëndorin”, pra atentatin e Vasil Laccit ndaj Viktor Emanuelit të III-të. Në shkrim, ai quhet “trimosh”.
#SiSot më 17 maj të vitit 1941, një trimosh nga Piqerasi i Sarandës qëlloi drejt pushtuesit të kombit tonë, Mbretit të Italisë Viktor Emanuelit të III-të.
I riu Vasil Laçi, i shtyrë edhe nga revolta popullore dhe i indokrinuar edhe nga miqtë e tij, vendos të kryejë këtë akt sublim që do t’i kushtonte edhe jetën. Pas një vizite në Shqipëri, Mbreti Viktor Emanueli i III-të, u pikas nga i riu në segmentin mes rrugës së Durrësit dhe fushës së aviacionit në Laprakë. Teksa po përshkonte rrugën e kthimit për në Itali shoqëruar nga kryeministri i kohës, Shefqet Vërlaci, Viktor Emanueli i III-të qe objektivi i plumbave të shkrehur prej Laçit.
Ngjarja krijoi një klimë paniku. Mbreti nuk u dëmtua dhe pala italiane e paraqiti këtë episod si një ngjarje të izoluar, e cila kishte për qëllim të dëmtonte kryeqeveritarin Vërlaci. Më 26 maj të atij viti, i riu Vasil Laçi u dënua me vdekje”. /sarandacity.al/
