Në Greqi, u kap një shqiptar i kërkuar për një vrasje të ndodhur në fshatin Lalioti, Korinth në dhjetor 2011.
32-vjeçari shqiptar, së bashku me disa bashkëpunëtorë të tij, kishin hyrë në banesën e një të moshuari me qëllim grabitjen e tij. Pjesëtarët e bandës e goditën egërsisht, e lidhën dhe ai la frymën e fundit në dhomën e tij.
Të njëjtët autorë hynë edhe në banesën e vëllait të viktimes dhe e grabitën me të njëjtën mënyrë.
Policia e Korinthit zbuloi në dy banesat e viktimave shenja gishtërinjsh të 32-vjeçarit shqiptar dhe disa ditë më vonë nxorri urdhër ndalimi për të.
Siëc rezultoi nga hetimi, pjesëtarët e bandës që vranë të moshuarin, kryenin grabitje të moshuarish në Athinë, Korinth, Fokidha dhe Larisa. /sarandacity.al/
