Çdo 5 Maj ata janë aty, siç kanë qenë 30 vjet. Siç janë dhe me 29 nëntor të çdo viti. Bëhet fjalë për atë shtresë veteranësh, besnikë e nostalgjikë të së djeshmes së luftës me Enverin në krye, apo dhe të regjimit më pas.
Vite më parë, pas ringjitjes së PS-së në pushtet me efumizimin Rilindje, u tentua që ët servirej fakti se po rishfaqeshin dhe enverizmat në aktivitete përkujtimore. Në fakt ishte një truk, një sajesë, një mit që duhej sajuar për luftën politike të së përditshmes. Sepse ata kanë gjithnjë aty, edhe në kohën e qeverisjes së PD-së.
Askush s’i ka ngacmuar. Pas 2013-ës, thjesht dikush u kujtua të kthejë kamerën nga ata dhe më pas të nisnin komentet.
Por ata kanë qenë aty kur përbri u kalonte dhe Berisha në kushte pushteti për nderimet e detyrueshme korteziale.
Ata do jenë sërish aty, sa të kenë jetën. Kjo dihet. Dhe është e kotë të luftosh me ta. /sarandacity.al/
