Një lajmi për grabitjen e banesës në Lagjen Kodër, që sipas Policisë lokale nuk ekziston si rast, i është shtuar dhe një tentativë e denoncuar në Komisariat nga banorë të një pallati 5 katësh në Lagjen 1, ose 200 metra në vijë ajrore me institucionin e uniformave blu.
Grabitësi u pa nga banorët të përpiqej për të depërtuar në apartament nga dritarja e tualetit që sheh nga korridori i përbashkët.
Gjatë tentativës së tij, grabitësi ka rrëzuar një saksi lulesh që gjendej në dritare dhe kjo ka bërë që ai të bjerë në sytë e fqinjës së shtëpisë së vënë në shënjestër për t’u grabitur në orët e mbrëmjes së djeshme.
Njësia “Shqiponja” që ka shkuar në vendngjarje dhe ka marrë e vlerësuar shenjat e lëna nga grabitësi në objekt.
Banorët e shtëpisë kishin disa ditë të larguar në një qytet tjetër dhe me sa duket ky informacion ka rënë në veshin e keqbërësit të mbetur në tentativë.
Pra, një saksi lulesh ka qenë “tersi” i tij për të “kryer detyrën”. /sarandacity.al/
