Mbrëmjen e djeshme, në Ksamil, pranë banesës, në rrethana ende të pa qarta është qëlluar me armë zjarri shtetasi Gramoz Mema, i cili ka humbur jetën rrugës për në spital.
Gramoz Mema, 40 vjeç me origjinë nga Koshtani i Tepelenës jetonte prej vitesh në Ksamil.
Si djalë i vetëm i familjes Mema, viktima ishte i pamartuar dhe jetonte me të ëmën.
Viktima para 10 vitesh ka jetuar në Angli, më pas në Greqi dhe është kthyer në Shqipëri.
Sipas banorëve Gramoz Mema zotëronte një lokal, para 3 ditësh kishte marrë dhe 2 milion lekë të reja kredi për të rregulluar lokalin.
Mësohet që ka marrë 5 plumba në kraharor, ndërsa sipas kamerës së sigurisë duken 4 persona të cilët e prisnin në një automjet, vetëm njëri prej tyre ka qëlluar.
Sipas burimeve, policia po heton pistën e larjes së hesapeve. /sarandacity.al/
