Sarandacity siguroi tre pamje nga vjedhja e bujshme në Supermarket Halo, zbuluar dy ditë më parë, falë një pune fantastike hetimore të Policisë së Sarandës dhe të personalisht shefit të saj Klodian Kondi.
Në episodin e parë është hyrja e treshes grabitëse nga dritaret e katit të dytë i godinës, aty ku kishin nisur punime restauruese.
Më pas vjen pamja e njërit prej grabitësve, i cili nga kati i dytë kalon në të parin përmes shkallëve.
Më pas është ikja me sasinë e parave.
Duhet theksuar se vjedhja ka patur si armën më të fortë çmontimin e sistemit të alarmit dhe kamerave së bashku me server, por kjo ka rezultuar dhe arma më dobët, pasi mosvëmendja ndaj një serveri pa kabëll, ka bërë që ata të lënë gjurmë pamore, siç janë këto më sipër.
Më pas vjen dhe arrestimi i kokës së vjedhjes së bujshme, e Bushit, Bekdash Cukalla, njeriut që prej më shumë se 10 vitesh paguhej nga drejtues të supermarketit për shërbimet në sistemin e sigurisë. Sepse, vjedhja u realizua nën yshtjen e njohjes së sistemit, çmontimit të tij dhe asaj se ku ndodhej kasaforta, të gjitha në dijeninë e tij. Dhe në finale, kjo ka shërbyer si disavantazh e jo avantazh i grabitësve, pasi është ndjekur pikërisht kjo pistë hetimi: kush qe i zoti i sistemit. /sarandacity.al/
