Ka përfunduar rikonstruksioni i urës së Metoqit vetëm disa ditë më parë.
Banorët janë shprehur të lumtur në lidhje me këtë ndërhyrje, që nga 5 ton tashmë mbi këtë urë të domosdoshme për banorët dhe bujqërit e kësaj zone mund të kalojnë makina deri në 20 ton.
Por ka një ankesë. në redaksinë e sarandacity.al kanë mbërritur disa foto dhe video lidhur se si e kanë lënë vendin rreth e qark punëtorët që ndërhynë mbi këtë urë.
“Shihni si i lënë mbeturinat punëtorët e urës, iu lumshin duart që e bënë po pse i lanë si lopa bajgën këto kanaçe që lyen me bojë urën?”
Sipas kësaj videoje, vihen re inerte, kuti boje të boshatisura, ndonjë kuti kartoni, dorashka të përdorura. /sarandacity.al/
