Befasuese pasi ajo ndryshon kryekëput prej një modeli jo aq simpatik të rinjsh, shkollarë apo jo, të tërhequr pas shijes së mbrapshtë hedoniste të jetës; apo apo, të zhytur në parazitizmin e kurthit teknologjik prej rrjeteve sociale.
Leticia Bërxhaj ka freskinë e moshës, por jo vetëm kaq. E çlirët dhe me një sinqeritet aspak naiv, ajo është sfiduese me optimizmin e saj karakterial po aq sa rinor. E buzëqeshur, e relaksuar, e dhënë e gjitha pas së bukurës së mendjes dhe ndenjave, te ajo nuk ka kurrëfarë prej ceneve të rinisë së kësaj kohe.
Ekselente në mësime, mendimi farmak mbi vendin ku jeton nuk ekziston te ajo. Në sfidën e madhe të realizimit të vetëvetes, ajo sheh dhe atë çfarë mendja e saj mund të produktojë të nesërmen e një moshe të pjekur për qytetin e saj.
Larg mendësisë së ikjes, pa asnjë prirje egoiste për ta parë fatin e saj të shkëputur nga fati i shoqërisë ku i ka rënë të jetojë, Leticia guxon ta vizatojë veten dhe në krye të vendimmarrjes për qytetin.
Ndiqeni një bisedë impresionuese me të:
