Jorgo Kumaraku është 44-vjeçari, i cili u arrestua sot pasi tentoi të grabiste një grua me inicialet A.M, punonjëse në një agjenci sigurimesh, tek një bankomat të BKT, ngjarje kjo e ndodhur paraditen e së shtunës.
Por nuk ndalet me kaq veprimtaria hajdute e “skifterit” nga Livadhjaja.
Sarandacity.al mëson se 44-vjeçari Jorgo Kumaraku, është person që e njeh mirë burgun, pasi ky person ka qenë i dënuar edhe më parë për vjedhje, por dhe për trafik droge.
Në vitin 2007 ai ka grabitur duke kërcënuar me armë lodër punonjësen e kazino “Perla” në Sarandë. Për këtë vepër ai u dënua me 5 vite burg.
Një vit më vonë në burg atij iu gjet një celular, për të cilin atëherë ai dha deklaratë të rreme sikur celularin e kishte futur një polic i paraburgimit në Sarandë. Ky i fundit atëherë u arrestua por u la i lirë pasi u zbulua mashtrimi i Kumarakut, për të cilën ai u dënua me 6 muaj burg.
Në shtator të 2013, Kumaraku rikthehet për të grabitur sërish një kazino, po me skemën e vjetër. Edhe kësaj radhe pre ra kazino “Admiral” në Sarandë, teksa livadhjoti kërcënoi dhe dhunoi punonjësen duke përdorur edhe pistoletë lodër.
Një ditë pas kësaj ngjarjeje, Kumaraku grabit me pistoletë lodër një tjetër kazino, tek “Ura e Lumit” në Gjirokastër. Për këtë të fundit ai u dënua me 6 vite burg.
Kumaraku është përdorues narkotikësh dhe si i tillë ai ka qenë i dënuar më parë edhe në Greqi për trafik droge. /sarandacity.al/
867516 433713Just what I was seeking for, appreciate it for posting . 264068
530150 369857This is some excellent info. I expect additional facts like this was distributed across the web today. 832591