Pas djegies së një sasie shezlongjesh, në Drimadhesin romantik ka kërcitur dhe pistoleta.
Sipas policies, një person që është shpallur në kërkim, gjatë një konflikti të çastit, ka qëlluar në ajër me armë (sportive) pistoletë dhe është konfliktuar fizikisht me shtetasit D. D. dhe O. T.
Sipas dëshmitarëve, 28-vjeçari H.F, në gjendje të dehur ka hyrë në një lokal duke bërtitur dhe bërë zhurmë. Kjo ka bërë që kamarieri t’i afrohej dhe t’i kërkonte që të ulte zërin por ka hasur në kundërshtinë e tij. 28-vjeçari është konfliktuar fizikisht me kamarierin dhe një person tjetër në lokal dhe më pas ka shkuar në makinën e tij, ku ka marrë pistoletën manovër dhe ka qëlluar në drejtim të kamarierit. Sipas burimeve nga Policia, është qëlluar me fishekë manovre. /sarandacity.al/
